जंक्शन-वालचंदनगर मॅरेथॉनसाठी
नावनोंदणी प्रचंड उत्साहात प्रतिसाद
नावनोंदणी करण्यासाठी ता. 28 पर्यंतची मुदतवाढ
कळंब-वालचंदनगर येथील फडतरे ग्रुपच्या फडतरे स्पोर्टस फौंडेशनतर्फे येत्या 29 ऑगस्ट 2017 रोजी म्हणजे हॉकीचे जादूगार मेजर ध्यानचंद यांच्या जयंतीदिवशी राष्ट्रीय क्रिडादिनाच्या निमित्ताने जंक्शन ते वालचंदनगर अशी आंतरशालेय मॅरेथॉन स्पर्धा आयोजित केली आहे.
या स्पर्धेसाठी प्रचंड उत्साहात नावनोंदणी सुरु झाली आहे. स्पर्धेसाठी आतापर्यंत 250 स्पर्धकांनी नोंदणी केली असून गणेश उत्सवाच्या पार्श्वभूमीवर सलग सुट्ट्यांमुळे आगाऊ नोंदणी करण्याची मुदत आम्ही 28 तारखेपर्यंत वाढवित आहोत असे स्पर्धेच्या नियोजनाचे काम करणारे प्राचार्य संदीप पानसरे यांनी सांगितले आहे.
प्रत्येक स्पर्धकास टी-शर्ट, कॅप व सहभाग प्रमाणपत्र दिले जाणार असून स्पर्धा नोंदणी फी रु. 50 राहणार आहे.
इयत्ता 6 वी ते 10 वीपर्यंतच्या शालेय विद्यार्थ्यांसाठी ही स्पर्धा दोन गटात होईल. 14 वर्षाखालील मुलांसाठी 3 किलोमीटर व मुलींसाठी 2 किलोमीटर अंतराची ही मॅरेथॉन असेल तर 17 वर्षाखालील मुलांसाठी 5 किलोमीटर व मुलींसाठी 3 किलोमीटर अंतराची ही स्पर्धा घेतली जाणार आहे.
स्पर्धतील विजेत्यास प्रथम क्रमांकास रु. 5001 व ट्रॉफी, व्दितीय क्रमांक 3001 व ट्रॉफी, तृतीय क्रमांक 2001 व ट्रॉफी अशी बक्षिसे असणार आहेत. दोन्ही गटांसाठी स्वतंत्र बक्षीसे असणार आहेत.
कळंब-वालचंदनगर परिसरातील अत्याधुनिक शैक्षणिक संकुल फडतरे नॉलेज सिटी हे या स्पर्धेचे आयोजक आहेत. स्पर्धेसंबंधी अधिक माहितीसाठी श्री. पठाण सर 9922047866, श्री. सोरटे सर 9421950571 यांच्याशी संपर्क साधावा. स्पर्धेच्या नियोजनाचे काम प्राचार्य संदीप पानसरे करत असून जास्तीत जास्त विद्यार्थी व शाळांनी या स्पर्धेत सहभाग नोंदवावा असे आवाहन त्यांनी केले आहे.
