बाबासाहेब फडतरे पॉलिटेक्निक - ग्रंथपाल दिवस

बाबासाहेब फडतरे पॉलिटेक्निकमध्ये 
साजरा झाला ग्रंथपाल दिवस 

कळंब-वालचंदनगर येथील फडतरे नाॅलेज सिटी अंतर्गत बाबासाहेब फडतरे पॉलिटेक्निकलमध्ये भारतीय ग्रंथपालन व्यवसायाचे जनक डाॅ. शियाली रामामृत रंगनाथ यांच्या 125 व्या जयंती मोठ्या उत्साहात साजरी झाली. 12 आॅगस्ट 1892 हा श्री. रंगनाथ यांचा जन्मदिन हा ग्रंथपाल दिन म्हणून भारतात साजरा केला जातो. गणिताचे प्राध्यापक असलेले रंगनाथन 1924 साली मद्रास विद्यापीठाचे ग्रंथपाल झाले आणि भारतीय ग्रंथपालनाचा उगम झाला.
यानिमित्ताने पॉलिटेक्निकमधील सुसज्ज ग्रंथालयात श्री. रंगनाथ यांच्या प्रतिमेचे पूजन करण्यात आले. यावेळी विद्यार्थी वर्ग व पॉलिटेक्निकच्या ग्रंथपाल सौ. जाधव, व्यंकटेश्वरा इंग्लिश मिडियम स्कूलच्या ग्रंथपाल मिस शिंदे, एम.बी.ए. कॉलेजचे श्री. पवार सर, एम.बी.ए.चे प्रमुख श्री. बडवे सर, प्रिन्सिपल के.बी. गवळी उपस्थित होते.
यावेळी श्री. रंगनाथ यांनी सांगितलेल्या ग्रंथपालन शास्त्राची माहिती जाधव मॅडम यांनी दिली. त्या म्हणाल्या, रंगनाथ यांनी ग्रंथपालन शास्त्राची पाच सूत्रे सांगितली आहेत 1. ग्रंथ हे उपयोगासाठी आहेत 2. प्रत्येक वाचकाला त्यांचा ग्रंथ मिळाला पाहिजे. 3. प्रत्येक ग्रंथाला त्याचा वाचक मिळाला पाहिजे. 4. वाचकाला वेळ वाचला पाहिजे. 5. ग्रंथालय वर्धिष्णु संस्था आहे.