नागपंचमी सणानिमित्त प्राचार्यांचा अनोखा उपक्रम

#PKC#POLY#2017#
फडतरे नॉलेज सिटीच्या पॉलिटेक्निकमध्ये
विद्यार्थ्यांनी घेतला पतंग उडवण्याचा आनंद

नागपंचमी सणानिमित्त प्राचार्यांचा अनोखा उपक्रम

 

नागपंचमी सणानिमित्त सुट्टीच्या मूडमध्ये असलेल्या विद्यार्थ्यांना एक अनोखी ट्रीट आज फडतरे पॉलिटेक्निकच्या प्राचार्यांनी दिली. नागपंचमीचा सणामुळे विद्यार्थीनी आज पारंपारिक नागपचंमीचा सण साजरा करण्यासाठी आल्या होत्या. त्यांनी नाच-गाण्याचा सूर ताल धरला होता. यावेळी विद्यार्थ्यांनाही याचा वेगळा अनुभव देण्यासाठी पतंग उडवण्याचा बेत ठरला आणि लगेच पतंग आणि दोऱा अशी जय्यत तयारी झाली आणि सर्व विद्यार्थ्यासोबत प्राचार्य व त्यांच्या सहकाऱ्यांनी पतंग उडवण्याचा आनंद घेत नागपंचमी सण साजरा केला.

परंपरेने साजरा झाला नागपंचमीचा सोहळा

#PKC#POLY#2017#
परंपरेने साजरा झाला नागपंचमीचा सोहळा
फडतरे नॉलेज सिटीच्या पॉलिटेक्निकमध्ये

मुलींनी घेतला पारंपारिक नाच-गाण्याचा आनंद

श्रावणमासातील मराठी सणांची सुरवात नागदेवतेच्या म्हणजेच नागपंचमीने होते. मराठी वर्षात मराठी सणांना श्रावणात खूप महत्व असते. जूनमधील पावसाच्या पहिल्या टप्प्याने शेतकरी वर्ग सुखावलेला असतो त्याची महत्त्वाची शेतीत सध्या सुरु असतात. साप-नाग हे शेतकऱ्यांचे मित्रच आहेत. हा सामाजिक संदेश नागपंचमी हा सण समाजाला देतो. साप-नाग नागांच्या वास्तव्याच्या ठिकाणी जाऊन त्यांची पूजा करून झाडाखाली, शेतावर झाडाला बांधलेल्या झोपाळ्यावर झुलण्याचा आनंद घेत गृहिणी माहेरच्या आठवतीत अनेक गाणी गातात.
याच सणाची आठवण देणारा हा कार्यक्रम नाच-गाण्याच्या संगतीत आज फडतरे नॉलेज सिटी अंतर्गत फडतरे पॉलिटेक्निकच्या मुलींनी मोठ्या उत्साहात साजरा केला. पारंपारिक गाण्यांनी कॅम्पसने आज वेगळे वातावरण अनुभवले.

#pkc#school#2017

वाढदिनी दिली अनोखी भेट
आपल्याच शाळेला दिली पुस्तकांची देणगी
......................................................................
कु. मैथीली बावकर हिचा आदर्श उपक्रम
.........................................................................

येथील फडतरे नॉलेज सिटी कळंब अंतर्गत श्री व्यंकटेश्वरा इंग्लिश मिडियम स्कूल मध्ये अनेक शैक्षणिक उपक्रम. सामाजिक उपक्रम घेतलेे जातात. त्यापैकीच एक उपक्रम कु. मैथिली सत्यवान बावकर इयत्ता 6 वीच्या विद्यार्थीनीने आपला जन्मदिवस आगळ्या आणि वेगळ्या पद्धतीने साजरा करून एक आदर्श सर्वांसमोर ठेवला. 

मैथीली बावकर हीने आपल्या वाढदिवसादिवशी शाळेच्या ग्रंथालयास वाचनीय पुस्तके भेट देवून एका चांगल्या सामाजिक उपक्रमाचा पायंडा घालून दिला. तिच्या या उपक्रमाचे संस्थेचे अध्यक्ष श्री. उत्तम फडतरे तसेच शाळेचे प्राचार्य श्री. संदीप पानसरे यांनी कौतुक केले.
यावेली विद्यार्थ्यांना मार्गदर्शन करताना प्राचार्य संदीप पानसरे म्हणाले, मुलांनी त्यांच्या वाढदिवसादिवशी अनाहत खर्च करण्यापेक्षा अशाच प्रकारचे सामाजिक उफक्रम तसेच गरजूंना मदत सामाजिक कार्य बालवयापासून करुन जीवनात चांगली नीतिमुल्ये जोपासावीत. त्याचा त्यांना फायदा होईल.
याप्रसंगी ग्रंथपाल सौ. प्रज्ञा अनपट, रज्जाक अत्तार, नितीन सोरटे, समीर पठाण, अनिता भाटीया, निलम डोंबाळे, प्राचार्य सौ. स्मिता जगताप आदी उपस्थित होते.

स्वदेशी वस्तू वापरण्याचा नारा

श्री व्यंकटेश्वरा स्कूलच्या विद्यार्थ्यांचा

स्वदेशी वस्तू वापरण्याचा नारा

....................................................................................................

कळंब-वालचंदनगर ता. इंदापूर येथील फडतरे नॉलेज सिटी अंतर्गत श्री व्यंकटेश्वरा इंग्लिश मिडियम स्कूलच्या वतीने चीनी मालाच्या वापराचा निषेध करून स्वदेशीचा वस्तू वापरण्याचा नारा दिला व तशी शपथही घेतली.

जम्मू-काश्मिरमध्ये गेल्या अनेक दिवसांपासून सुरु असलेल्या दहशतवादी हल्ल्याच्या निषेधार्थ हा उपक्रम घेण्यात आला. 

...............................................................................................................

फडतरे नाॅलेज सिटीतील विद्यार्थ्यांनी घेतली स्वदेशीच वापरण्याची शपथ 

.................................................................................................................

सहशिक्षिका रुपाली शिंदे यांनी स्वतंत्र भारतापुढील आव्हाने व अडथळे याबाबत मार्गदर्शन केले. तसेच भारतीय वस्तूच वापराव्यात हे स्पष्ट केले. यावेळी स्कूलचे प्राचार्य मा. संदीप पानसरे यांच्यासह शिक्षक व सहकारी उपस्थित होते.

ज्युनिअर लिडर स्पर्धेत सहभागामुळे
विद्यार्थ्याच्या सामान्यज्ञानात भर

फडतरे नॉलेज सिटी, कळंबच्या 180 विद्यार्थ्यांचा सहभाग

नवीन पिढीत लिडरशीपच्या गुणांचा विकास होण्याच्या दृष्टीने सकाळ पेपर्स लि. आयोजित सकाळ-ज्युनिअर लिडर स्पर्धेत व्यंकटेश्वरा इंग्लिश मिडियम स्कूलच्या 180 विद्यार्थ्यानी आपला सहभाग नोंदवला आहे.
या उपक्रमातून विद्यार्थ्याच्या सामान्य ज्ञानात प्रचंड मोठी भर पडत आहे. वृत्तपत्र आणि वाचनाची गोडी वाढावी म्हणून सकाळ माध्यम समूहाच्या वतीने राबविण्यात येणाऱ्या या उपक्रमात आमच्या संस्थेतील मुलांनी उत्स्फूर्त सहभाग घेतला आहे, अशी माहिती संस्थेचे अध्यक्ष श्री, उत्तम फडतरे यांनी दिली.

बहुतांश इंग्रजी माध्यमाच्या मुलांना मराठी वाचण्याची आवडत नसते परंतु या उपक्रमामुळे ही आवड निर्माण होणार आहे असे मत प्राचार्य संदीप पानसरे यांनी यावेळी व्यक्त केले.

शाळेच्या आवारात 50 झांडांचे वृक्षारोपण

विद्यार्थ्याच्या वाढदिवसानिमित्त
शाळेच्या आवारात 50 झांडांचे वृक्षारोपण

कळंब-वालचंदनगर येथील फडतरे नॉलेज सिटी अंतर्गत फडतरे ग्लोबल स्कूलचा विद्यार्थी प्रथमेश मोरे याच्या वाढदिवसाच्या निमित्ताने शाळेच्या आवारात 50 झाडांचे वृक्षारोपण करण्यात आले.

सतत नवनवीन उपक्रम राबविण्याचा लौकीक असलेल्या परिसरातील एकमेव उपक्रममशील शाळा म्हणून स्कूलच्यावतीने हा कार्यक्रम नुकताच घेण्यात आला. यावेळी फडतरे नॉलेज सिटीचे अध्यक्ष उत्तम फडतरे, सोलापूर जिल्हा परिषदेच्या सदस्या ऋतुजा मोरे, जगन्नाथ मोरे, प्राचार्य संदीप पानसरे, प्राचार्य सीमा जगताप, अनिता भाटिया, नीलम डोंबाळे, संजय पाटोळे उपस्थित होते.

व्यंकटेश्वरा इंग्लिश मिडियम स्कूलची लघुनाटिका

मी झाड बोलतोय.... 
मधून वृक्षारोपणाबाबत जागृती
व्यंकटेश्वरा इंग्लिश मिडियम स्कूलची लघुनाटिका

वालचंदनगर – जन्मापासून, मरेर्यंत मी तुम्हाला मदत करतोय, फळे, फुले देतोय, जगण्यासाठी ऑक्सिजनही देतोय, अरे माणसांनो सरणासाठी सुद्धा माझाच वापर होतोय, किमान एकतरी झाड लावा, असे आर्जव करत कळंब (ता.इंदापूर)  येथील व्यंकटेश्वरा इंग्लिश मिडियम स्कूलमधील विद्यार्थ्याकडून वृक्षारोपण जागृती करण्यात आली.

..............................................................................................................

पर्यावरण दिनानिमित्त उपक्रम

..............................................................................................................

फडतरे नॉलेज सिटीअंतर्गत (www.dkkkp.edu.in) व्यंकटेश्वरा इंग्लिश मिडियम स्कूलच्या आवारात हा कार्यक्रम घेण्यात आला. वृक्षारोपणाबाबत जनजागृती करण्यासाठी येथील आठवी आणि नववीच्या विद्यार्थ्यांनी मी झाड बोलतोय ही नाटिका तयार करून तिचे सादरीकरण या कार्यक्रमात केले.
कार्यक्रमात फडतरे नॉलेज सिटीचे अध्यक्ष उत्तम फडतरे, सोलापूर जिल्हा परिषदेच्या सदस्या ऋतुजा मोरे, जगन्नाथ मोरे, प्राचार्य संदीप पानसरे, प्राचार्य सीमा जगताप, अनिता भाटिया, नीलम डोंबाळे, संजय पाटोळे उपस्थित होते.

फडतरे नाॅलेज सिटीत पालक मेळाव्याचे आयोजन

श्री व्यंकटेश्वरा इंग्लिश मिडियम स्कूल व 

फडतरे ग्लोबल स्कूलच्या पालकांचा मेळावा उत्साहात

 कळंब-वालचंदनगर – येथील फडतरे नॉलेज सिटी अंतर्गत श्री व्यंकटेश्वरा इंग्लिश मिडियम स्कूल व फडतरे ग्लोबल स्कूलमध्ये शैक्षणिक वर्ष 2017-18 मधील शिक्षण घेत असलेल्या विद्यार्थ्यांच्या पालकांसाठी शाळा प्रशासनातर्फे मेळावा आयोजित करण्यात आला होता. 

या मेळाव्यात संस्थेचे अध्यक्ष मा. उत्तम फडतरे यांनी फडतरे नॉलेज सिटीत नव्याने प्रवेश घेतलेल्या विद्यार्थी-पालकांचे स्वागत केले. संस्थेच्या शैक्षणिक उपक्रम व सोयी सुविधा व पुढील वाटचालीसंदर्भात मार्गदर्शन केले.

प्राचार्य श्री. संदीप पानसरे यांनी विद्यार्थीकेंद्रीत शैक्षणिक पद्धतीचा वापर करत असतानाच विद्यार्थ्याचा चौफेर विकासासाठी शाळा करत असलेल्या प्रयत्नांचा आढावा पालकांसमोर सादर केला. पुढील नियोजनासंदर्भात पालकांना माहिती दिली. शाळेच्या विविध उपक्रमांत पालकांनी जास्तीत जास्त सहभागी होण्याचे आवाहन केले. विद्यार्थ्याच्या जडणघडणीत शाळेसोबत पालकांचाही किती मोठा वाटा आहे यासंदर्भात मार्गदर्शन केले.

यावेळी अनेक पालकांनी आपले अनुभव कथन केले. बहुसंख्य संख्येने या मेळाव्यात पालकांनी सहभाग दर्शविल्याबद्दल शाळा प्रशासनाच्या वतीने सर्वांचे आभार मानण्यात आले.  हा मेळावा यशस्वी पार पाडण्यासाठी प्राचार्य संदीप पानसरे व त्यांच्या सहकाऱ्यांचे प्रयत्न कामी आले.