चला जीएसटी जाणून घेऊया!

बाबासाहेब फडतरे पॉलिटेक्निकतर्फे
जीएसटी विषयी परिसंवादाचे आयोजन उत्साहात


कळंब परिसरातील उद्योजक

, व्यापारी व विद्यार्थी यांच्यासाठी जीएसटी या विषयावरील परिसंवादाचे आयोजन फडतरे नॉलेज सिटी अंतर्गत बाबासाहेब पॉलिटेक्निकमध्ये नुकतेच करण्यात आले होते.

1 जुलै 2017 पासून संपूर्ण देशात एकच करप्रणाली लागू करण्याच्या उद्देशाने केंद्रसरकारने जीएसटी करप्रणाली लागू केली आहे. या कार्यप्रणालीविषयी शासकीय स्तरावरून सर्वांना समजेल अशी माहिती देण्याचे काम सुरु आहेच. पण अनेक व्यापारी, उद्योजकांना आपल्या काही शंका मात्र दूर करता येत नव्हत्या. त्यांच्या धंद्याविषयी उद्योगाविषयी, कच्च्या मालाविषयीचे अनेक प्रश्न होते. तसेच विद्यार्थ्यांमध्येही या कायद्याविषयी उत्सुकता निर्माण झाली होती.

यासाठी बाबासाहेब फडतरे पॉलिटेक्निकने पुढाकार घेत सर्वांसाठी जीएसटी परिसंवाद घेण्याचे नियोजन प्राचार्य के.बी. गवळी यांनी केले. ज्येष्ठ आर्थिक सल्लागार सुधाकर कुलकर्णी व बँकर दिलीप बोरकर यांनी या परिसंवादात सहभागी झालेल्यांना मार्गदर्शन तर केलेच शिवाय त्यांच्या शंकांचे समाधानही केले.

फडतरे नॉलेज सिटीतर्फे बाबासाहेब फडतरे पॉलिटेक्निकने या अशा उपक्रमाचे आयोजन केल्यामुळे सर्वांनी कृतज्ञता व्यक्त केली व प्राचार्य गवळी यांचे आभार मानले.