फडतरे नाॅलेज सिटीतील

निवासी उन्हाळी प्रशिक्षण

मुलांच्या भविष्यासाठी उपयोगी

कळंब-वालचंदनगर - उन्हाळी सुट्टी म्हटलं की, बालचमूंच धमाल करायची या सुट्टीत असं प्लानिंग असतंच.

या त्यांच्या प्लानिंगमध्ये आम्ही दरवर्षीप्रमाणे आणखी थोडी भर घालायचा प्रयत्न केला. निमित्त होतं फडतरे नाॅलेज सिटीमध्ये आयोजित उन्हाळी प्रशिक्षण वर्गाचं.

 15 एप्रिलला दरवर्षीप्रमाणं मोठ्या उत्साहात प्रशिक्षणार्थी आणि त्यांच्या पालकांच्या उपस्थित या शिबिराची सुरवात झाली. अवघ्या 4000 रुपयात 15 दिवसांचं हे निवासी शिबिर अनेक कारणांनी भूरळ घालणारं ठरणार आहे.

मुलांच्या सर्वांगीण विकासासाठी दररोज व्यायाम, योगा, कार्यशाळा, खेळ आणि पौष्टीक आहार असा भरगच्च दिवसभराचा कार्यक्रम धुमधडाक्यात सुरु आहे. आजवर घोडेसवारी झालीये मुलं प्रॅक्टीसही करताहेत. कुस्तीचं प्रशिक्षण दिग्गज अनुभवींनी दिलंय त्याचे शास्त्रोक्त ज्ञान आता मुलांकडे आहे.

कुठलाही खेळ असो त्याला नियम अनेक असतातच. खेळायचं तर  नियमानं म्हणजे यश हमखास. म्हणूनच प्रत्येक खेळाचे नियम काय असतात. मुलांना समजावून दिलंय.  विविध क्षेत्रातील मान्यवरांनी या सर्व कौशल्य प्रशिक्षणासाठी योगदान दिले आहे. मुलांच्या खाण्यापिण्यापासून ते दररोजच्या संपूर्ण उपक्रमांकडे संस्थेचे अध्यक्ष उत्तम फडतरे यांचे वैयक्तिक लक्ष आणि मार्गदर्शन असते.  

क्राफ्टींग, ड्राईंग, पेंटींग, कराटे प्रशिक्षण, आरोग्य शिबिर, आरोग्य मार्गदर्शन, वक्तृत्व कला मार्गदर्शन अशा अनेक उपक्रमांमुळे मुलांच्या माहितीमध्ये प्रचंड वाढ झाली आहे. या मिळालेल्या माहितीचा ते पुढे त्यांचे करीअर घडवण्यासाठी निश्चित करू शकतात.

मुलांच्या या प्रशिक्षणाचा व्हिडिओ दररोज त्यांचे पालक सोशल मिडियाच्या माध्यमातून घरबसल्या पाहतात. त्याचं कौतुक करायचं म्हणून काही पालकांनी या प्रशिक्षण काळात फळे, मिठाई वाटप सर्व प्रशिक्षणार्थींना केले आहे.  यामुळे मुलाचं कौतुक अजून वाढलं आहे.

दिवसेंदिवस या प्रशिक्षणाचा फीवर वाढत चालला आहे पण त्याचवेळी प्रशिक्षण संपण्याचा दिवसही जवळ येतोय हेही सत्य आहे.